Замарожваньне прыкладаньняў дазваляе Вам пераводзіць праграмы ў спынены стан, у якім яны не спажываюць ні рэсурсы працэсара, ні памяці, і не разраджаюць акумулятар. Зручна замарожваць тыя праграмы, якія Вы ня хочаце выдаляць з прылады, але якімі часова не карыстаецеся. З-за абмежаваньняў Android гэтая функцыя даступная толькі з вэрсіяў Android 4 і вышэйшых.

Галоўнае вакно зьмяшчае старонкі FREEZABLE і FROZEN.

Старонка FREEZABLE

У гэтым вакне прыведзеныя ўсе замарожвальныя праграмы. Каб замарозіць праграму, сьпярша пстрыкніце ейны абразок, пасьля кнопку «Прымусовае спыненьне» ў наступным вакне «Зьвесткі аб праграме».

Замарожваньне праграмы — працэс, які пераводзіць яе ў спынены стан. Усе зьвесткі захаваюцца, аднак такая праграма не запускацьмецца фонава, не спажывацьме рэсурсаў працэсара, не разраджацьме батарэю і не запускацьмецца аўтаматычна.

Дзеля запуску масавага рэжыму доўга трымайце абразок прыкладаньня, абярыце праграмы для апрацоўкі, пасьля націсьніце патрэбны абразок дзеяньня ў ніжняй панэлі мэню.

Старонка FROZEN

У гэтым вакне прыведзеныя ўсе замарожаныя праграмы. Любую праграму можна размарозіць, адчыніўшы (запусьціўшы) яе.